སངས་རྒྱས་དབང་ཕྱུག་འདི་ ནང་སྲིད་ལྷན་ཁག་ སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ནང་གི་ ཅ་རྙིང་སྡེ་ཚན་ནང་ལུ་ ཐོ་བཀོད་འགོ་དཔོན་གཙོ་བོ་སྦེ་ཕྱག་ཞུ་བའི་བསྒང་ཡོདཔ་ཨིན། རང་ལུགས་ཀྱི་སྲོལ་རྒྱུན་དང་ནང་ཆོས་རིག་གཞུང་ནང་ལུ་ ཤེས་ཡོན་དང་ཉམས་མྱོང་ཡོད་པའི་གུར་ ལམ་སྲོལ་ཚུ་ཞིབ་འཚོལ་དང་ ཉམས་སྲུང་འབད་ནིའི་སྦྱོང་བརྡར་ཐེབས་ཐོབ་སྟེ་ རྒྱལ་ཁབ་ཀྱི་སྲོལ་རྒྱུན་བཟང་པོ་ཚུ་མི་ཉམས་སྲུང་སྐྱོབ། གོང་འཕེལ་དང་འཛིན་སྐྱོང་གི་ཕྱག་འགན་བསྣམས་བཞིན་ཡོདཔ་ཨིན། ཁོ་གིས་ རྟེན་གསུམ་ཅ་རྙིང་འགངས་ཅན་རིགས་ཚུ་གི་སྐོར་ལས་ ཞིབ་འཚོལ་འབད་ནི། ཐོ་ཡིག་འཛིན་སྐྱོང་། ཉམས་སྲུང་འབད་ནི་དང་ འབྱུང་རབས་ཚུ་ཞིབ་འཚོལ་འབད་དེ་ ལམ་སྲོལ་གྱི་རྒྱབ་རྟེན་ཚུ་ཁུངས་བདེན་སྦེ་བཟོ་ནི་ལུ་ ལྷན་ཐབས་འབད་བའི་ཞོར་ཁ་ལུ་ ལས་ཁུངས་ཀྱི་འཆར་སྣང་དམིགས་གཏད་ རྒྱལ་ཁབ་ཀྱི་སྲོག་ཤིང་ལམ་སྲོལ་ ཡུན་བརྟན་སྦེ་བཞག་ནི་ལུ་ རྒྱབ་སྐྱོར་ཕུལ་ཏེ་ཡོདཔ་ཨིན།

སློབ་དཔོན་གྱིས་ རྒྱལ་ཁབ་ཀྱི་སྲོལ་ཁྱུན་དང་འབྲེལ་བའི་ ལས་འགུལ་སྣ་ཚོགས་གུར་ ཞིབ་འཚོལ་དང་ཞིབ་འཇུག་ཚུ་ནང་ཡང་ གྲས་གཏོགས་འབད་དེ་ཡོདཔ་མ་ཚད་ ཞིབ་འཚོལ་རྩོམ་ཤོག་ཡང་དག་པ་ཅིག་གནང་ཡོད་མི་དེ་གིས་ རང་ལུགས་ལམ་སྲོལ་བཟང་པོ་ཚུ་དང་ སྲོལ་རྒྱུན་ས་ཁོངས། རྫོང་གཞིས། ལྷ་ཁང་། དགོན་སྡེ་ལ་སོགས་པ་ཚུ་གི་ བརྩི་མཐོང་དང་ཤ་ཞེན་སྐྱེད་ནི་ལུ་ ཕན་ཐོགས་བྱུང་ཡོད་པའི་གུར་ ཡིག་ཆ་དེ་ཚུ་གིས་ ལམ་སྲོལ་ཡུན་བརྟན་འཛིན་སྐྱོང་ལུ་ཡང་ ཕན་ཐོགས་བྱུང་སྟེ་ཡོདཔ་ཨིན། སློབ་དཔོན་ལུ་ ཞིབ་འཚོལ་ཉམས་མྱོང་དང་མཁས་མཆོག་གིས་ ལམ་སྲོལ་མི་ཉམས་རྒྱུན་སྐྱོང་ལུ་དམིགས་པ་སྐྱེད་དེ་ རྒྱལ་ཁབ་ཀྱི་མ་འོངས་པའི་མི་རབས་ཚུ་ལུ་ རང་ལུགས་སྲོལ་རྒྱུན་ཚུ་མ་ཉམས་པར་ རྒྱུན་སྐྱོང་འཐབ་ཚུགས་པའི་ ཕྱག་འགན་ཚུ་བསྣམས་ཏེ་ཡོདཔ་ཨིན།