རླུང་མ་མས་ཁུར་འདི་ སྲབ་འཕྲོས་འཕྲོས་སྦེ་ རླུང་མ་གིས་འཇམ་ཏོག་ཏོ་སྦེ་འབག་ཚུགས་པའི་དོན་དང་ སླབ་སྲོལ་གཅིག་ལས་འབད་བ་ཅིན་ མས་ཁུར་འདི་ རླུང་མ་ནང་ལུ་ལེགས་ཤོམ་སྦེ་བསྐམ་དགོཔ་ལས་ དེ་ལུ་གཞི་བཞག་སྟེ་ རླུང་མ་མས་ཁུར་ཟེར་སླབ་ཨིན་ཟེར་ཡང་བཤདཔ་ཨིན་པས། རླུང་མ་མས་ཁུར་ཟེར་མི་འདི་ ཆུམ་གྱི་རིགས་ཚུ་ ཕྱེ་འཐག་ཞིནམ་ལས་ རང་གི་མཁོ་འདོད་དང་འཁྲིལ་བའི་ཚོས་གཞི་བཟོ་ནིའི་དོན་ལུ་ ཚོན་གྱི་ཕྱེ་ཚུ་བླུགས་ཏེ་བསྣད་ཞིན་ན་ ཐད་སྒོར་སྒོ་དང་ སྲབ་འཕྲོས་འཕྲོས་སྦེ་བཟོཝ་ཨིན་མས། དེ་ལས་ རླུང་མ་ནང་ལེགས་ཤོམ་སྦེ་བསྐམ་བཅུག་ཞིནམ་ལས་ སྦ་ཟེ་ནང་ འདེགས་བཞག་ཞིནམ་ལས་ ཚོགས་ཕུལ་རནམ་ད་ མར་ཁུ་ནང་བརྔོ་ཏེ་ དཀོན་མཆོག་ལུ་ཕུལ་ནིའི་ ཚོགས་རྫས་འབད་ལག་ལེན་འཐབ་ཨིན།